Seirbhísí as Gaeilge

Ceiliúrtar seirbhísí rialta i nDeoise Bhaile Átha Cliath agus Gleann dá Loch trí mheán na Gaeilge, faoi choimirce Chumann Gaelach na hEaglaise go príomha.

Cumann Gaelach na hEaglaise

Bunaíodh Cumann Gaelach na hEaglaise sa bhliain 1914 chun

• meon na Sean-Eaglaise Ceiltí a choimeád beo in Eaglais na hÉireann agus baill na hEaglaise a chuireann spéis sa Ghaelachas a bhailiú le chéile
• úsáid na Gaeilge a leathnú san Eaglais
• iomainn agus ábhar diaga eile a bhailiú ó litríocht na Gaeilge
• ceol agus ealaíon Éireannach a chur ar aghaidh in imeachtaí na hEaglaise.

Eagraíonn an Cumann seirbhísí rialta mar a leanas:

• An dara Domhnach gach mí (seachas Iúil agus Lúnasa) ar 8.30 am - an Chomaoineach Naofa i séipéal Choláiste Oideachais Eaglais na hÉireann, 96 Bóthar Ráth Maonais Uachtarach, Baile Átha Cliath 6
• An ceathrú Domhnach gach mí (seachas Meitheamh, Iúil, Lúnasa agus Nollaig) ar 5 pm - an Chomaoineach Naofa in Ardteampall Chríost, Baile Átha Cliath 8
• Seirbhís Idirchreidmheach ar an (dara) Aoine ar 8 pm le linn Sheachtain na hAontachta Críostaí i mí Eanáir in Ardteampall Chríost, Baile Átha Cliath 8.

Eagraítear seirbhísí eile in áiteanna éagsúla ar fud na tíre ó am go ham – mar shampla, Lá Fhéile Pádraig, féilte.

Tacaíonn Cumann Gaelach na hEaglaise le seirbhísí Gaeilge in Ardteampall Chríost ar ócáidí áirithe nuair a bhíonn Urnaí na Nóna á chanadh ag cór an Ardteampaill.

An chéad Seirbhís Ghaeilge eile:

Seirbhís (an Chomaoineach Naofa &rl): An Chomaoineach Naofa
Áit: Seipeal, Cholaiste Oideachais, Eaglais na hEireann
Dáta: 14/09/2008
Am: 08:30
Nótaí:

An tSheirbhís ina Dhiaidh Sin:

Seirbhís (an Chomaoineach Naofa &rl): An Chomaoineach Naofa
Áit: Ardteampall Chríost
Dáta: 28/09/2008
Am: 17:00
Nótaí: